السلام عليكم ورحمة الله وبركاته ..
الشاعر ساجي بن عبدالله التويجري الهويملي المزيني احد شعراء
قبيلة مزينه المعدودين تتميز قصائده بالحكمه والجزاله الواضحه ..
فبمجرد ماتقرأ قصيدته ترى بصمته عليها جليْه ..
له الكثير من القصائد التي لاتقل وهجا ً وجزاله ., اترككم مع هذه
الدره من احدى درره ..
ياقلـب مـا لومـك بعـد كـل مـا صـار
ولا لومهـا لـو هـلـت العـيـن عـبـره
من يحتمل حملـك ولـو كـان صبـار
لا بـد مـا يفنـى مـع الـوقـت صـبـره
تفنـيـه مـيــلات اللـيـالـي والاقـــدار
الصـبـر لـوعــات المـقـاديـر قـبــره
كــم ذل بالدنـيـا عـزيـز(ن) وجـبـار
من عقب عـزه صـار للنـاس عبـره
أقفـا زمانـه عـقـب الاقـبـال وانــدار
ما حال دونـه ساعـة الضيـق كبـره
يـوم إفتقـر مالـه مـع النـاس مقـدار
كـلـش تغـيْـر مـابـقـا مـثــل خـبــره
تفـرقـوا عـنـه الحبـايـب والأنـصـار
مكسور ماحـد شايـل(ن) هـم جبـره
نسيـوه ماكـنـه سـكـن يــوم بـالـدار
ماهمهـم يـوم ابحـت الجـيـب ثـبـره
دنيـاك لا تشغـل بهـا الفـكـر تحـتـار
كلن شكـى مـن ضيـم وقتـه وغبـره
مانت الوحيد اللي عليك الدهر جـار
حــال الـدهـر كـلـن مـنــول يـخـبـره
والله مـــا ينـفـعـك درهـــم وديـنــار
والـكـون لــو إنــك ملـكـتـه بـكـبـره
أقوى البشر ساعات يضعف وينهار
ينـهـد حيـلـه مانـظـم خـيـط بـابــره
إرج الفرج مـن عنـد عـلام الأسـرار
بـابـه تــرى كــل التياسـيـر عـبــره
إسلك طريقه واطلبه وقت الاسحـار
لــذة زمـانـك عـقـب مــره وصـبـره
(( منقــــــــــــووول ))
